Францускиот претседател Емануел Макрон денеска претрпе тежок пораз на европските избори од лидерката на екстремната десница Марин Ле Пен, чија победа ги зголемува нејзините шанси на претседателските избори во 2027 година.
Партијата на Ле Пен добива околу 32 отсто од гласовите, десет повеќе од претходните европски избори во 2019 година и 17 отсто повеќе од партијата на Макрон, покажуваат излезните анкети. Социјалистите добиваат 14 проценти.
Ле Пен и нејзиниот водечки кандидат, сè попопуларниот 28-годишен Џордан Бардела, ги гледаат европските избори како референдум за владеењето на Макрон, кое е нарушено со проблеми со имиграцијата и криминалот и двегодишна инфлациска криза.
Победата на Ле Пен ќе го ослаби владеењето на Макрон три години пред крајот на неговиот втор и последен мандат и може да предизвика предвремени национални избори. Претворен во мандати, Националниот митинг на Марин Ле Пен добива 31, Ренесансата на Макрон 14, а социјалистите 13.
