МИСАЈЛОВСКИ: Македонија ќе биде горда на својата Армија, државата ми е водилка и чест ми е кога народот ме бира

Отсекогаш се борев за Македонија. Државата ми е водилка и чест ми е кога народот ме бира, вели идниот министер за одбрана Владо Мисајловски.

– Но, сега честа е неизмерна, затоа што ќе раководам со министерството во кое секој еден припадник е спремен да даде сѐ за Македонија. Гордост е да се биде на чело на министерството за одбрана, уште поголема е обврската. Со години Армијата оставена на маргините, време е тоа да се промени. Ветувам враќање на достоинството на армијата, Ветувам инвестиции во објектите на АРМ, нова опрема, поубави услови за работа, поголеми плати. Ветувам дека ќе се грижам за луѓето кои се грижат за нас целиот свој живот, ќе се ангажирам посветено, вели Мисајловски.

Армијата, додава тој, ќе биде огледало за државата.

– Како НАТО членка треба да знаеме дека Армијата е најголем амбасадор на државата. Од семинари, до обуки, тренинзи, вежби со сојузничките армии. Македонија ќе биде горда на својата Армија. Македонија за тебе. За сите нас. Почнуваме, вели Мисајловски.