Европската куќа на фудбалот УЕФА донесе одлука по дисциплинската постапка за албанскиот репрезентативец Мирлан Даку по неговото скандалозното скандирање и однесување по завршување на натпреварот меѓу Албанија и Хрватска во Хамбург на ЕВРО 2024.
Даку е казнет со два меча суспензија од УЕФА поради националистички скандирања „Е.и ги Македонците…, е.и ги Србите…“ по дуелот со Хрватска.
По добиената суспензија од УЕФА, Даку ќе го пропушти утрешниот натпревар на Албанија против Шпанија во последното коло од групната фаза, но и евентуален осминафинален дуел на ЕВРО 2024, доколку Албанија успее да се пласира во следниот круг.
Поради скандалозните навреди кон Македонците и Србите, Даку ќе биде казнет и од својот клуб рускиот Рубин Казан, кој синоќа објави дека фудбалерот сигурно ќе добие финаниска и друг вод на казна.
– Етичко-дисциплинската комисија на УЕФА донесе одлука во врска со инцидентот што се случи по завршувањето на натпреварот меѓу Албанија и Хрватска на ЕП 2024 година на кој учествуваше напаѓачот Мирлинд Даку. Комисијата на УЕФА одлучи да го суспендира албанскиот фудбалер на два натпревари, тој нема да може да настапи на следниот натпревар против Шпанија, кој е закажан за в понеделник на 24 јуни во Дизелдорф – објави ФС Албанија.
Казна од УЕФА од 47500 евра поради инцидентите на албанските навивачите во Хамбург, доби и Фудбалски сојуз на Албанија.
Казната е за употребата на пиротехнички средства од страна на нивните навивачи, за упадот на терен како и за несоодветните националистички пораки за време на натпреварот.
