Словачкиот вицепремиер Томаш Тараба објави дека нема да ја претставува својата земја на церемонијата на затворање на Олимписките игри во Париз.
„Требаше да ја претставувам Словачка на затворањето, но за нормалниот свет оваа Олимпијада засекогаш ќе остане симбол на дегенеративната декаденција, која ја злоупотреби убавината на спортот и го претвори во прогресивен политички театар“, напиша словачкиот функционер.
„Затоа решив да не учествувам на затворањето“, вели тој.
Тараба исто така истакна дека Меѓународниот олимписки комитет сега ја отстранува „срамната“ церемонија на отворање од интернет.
„Навредите за христијанството и декаденцијата достигнаа такво ниво што го навредија целиот нормален свет, кој ја разбира разликата помеѓу културата и ѓубрето“, напиша тој на ФБ.
Томас Жоли, уметничкиот директор на церемонијата тврди дека сакал да зборува за различноста. „ Различноста значи да се биде заедно. Сакавме да ги вклучиме сите“, рече тој.
