Кинескиот претседател Си Џинпинг денеска вети ново финансирање за Африка во вредност од 51 милијарда долари, поддршка за 30 инфраструктурни проекти на континентот богат со ресурси и отворање на најмалку еден милион работни места.
Во своето обраќање на самитот за соработка меѓу Кина и Африка, Си им вети на делегати од над 50 африкански држави дека кинеската економија, вредна 19 трилиони долари, еднострано ќе го подобри пристапот до својот пазар за африканската трговија.
Форумот за високо ниво за кинеско-африканска соработка, кој оваа година се одржува во Пекинг, ја дефинира тригодишната програма за односите меѓу втората по големина економија во светот и најбрзорастечкиот континент во светот.
ЗНа отворањето на самитот, Си изјави дека Кина е подготвена да започне 30 проекти за чиста енергија во Африка, како и да ги поддржи целите на континентот за нуклеарна енергија, помагајќи во надминување на недостигот од електрична енергија кој долго време ги спречува целите за индустријализација на Африка.
Кина, исто така, е подготвена да реализира 30 проекти за инфраструктурна поврзаност во Африка и да изгради мрежа Кина-Африка која ќе вклучува копнени и морски врски и координиран развој, додаде тој.
фото: ЕПА
