Натпреварот кој привлече најголемо внимание од денешните во квалификациите за Светското првенство 2026 одигран во Тирана меѓу Албанија и Србија заврши нерешено 0:0.
Во 45+2 минута, албанскиот напаѓач Рај Манај промаши пенал. Српскиот голман, Ѓорѓе Петровиќ, го одбрани ударот во долниот лев агол од својот гол.
По 3 натпревари, Албанија е на 2. место во Групата К со 4 бода. Србија е на 4. место со 1 бод од еден натпревар. Лидер на табелата е Англија со максимални 9 бода.
Резултати на другите денешни натпревари од квалификациите за пласман на фудбалскиот Мундијал следната година:
Босна и Херцеговина – Сан Марино 1:0
Андора – Англија 0:1
Малта – Литванија 0:0
Австрија – Романија 2:1
Финска – Холандија 0:2.
Фото: ЕПА
