Голем пожар избувна во близина на пристанишниот град Рафина во источниот дел на областа Атика, поширокиот регион на Атина, а од бројот 112 беше испратена порака за евакуација до оние кои се наоѓаат во три населени места во непосредна близина, јави дописничката на МИА од Атина.
Во пожарот интервенираат 104 пожарникари со шест пешадиски тима, 28 возила и волонтери, а од воздух се гасне со три хеликоптери и два авиони.
Силниот ветер, што брзо го шири пожарот, дополнително ја отежнува работата на пожарникарите.
Огнените јазици се во близина на домови во населби кои сепак не се густонаселени, а според грчките медиуми, полицијата интервенирала во евакуација на девет лица.
Поради пожарот во прекин е сообраќајот на неколку улици,
Во Рафина е едно од трите атински пристаништа, а поради пожарот, траект од Евија се враќа на пристаниште од каде што отплови.
МИА
