Димитар КОСТАДИНОВСКИ, градоначалник на Јегуновце од ВМРО-ДПМНЕ
На почетокот на мојот мандат кажав дека нема да бидам градоначалник кој седи во канцеларија, туку човек кој е со народот, кој е на улиците, на терен.
Секој ден го живеев со населението на општина Јегуновце. Затоа можам да кажам дека она што го ветив, го направив, а ќе направиме заедно и јас со мојот тим уште многу за вас.
Накратко ќе кажам што направивме.
Поплавите не се веќе закана за жителите. За првпат ја регулиравме реката Вардар.
Инвестиравме во најмладите, реновиравме училишта, за децата да учат во услови што ги заслужуваат, а наставниот кадар да предава во соодветни услови.
Изградени се и поставени детски реквизити и спортски реквизити во сите населени места. Изградени се уште две градинки за најмладите, каде што секое дете е згрижено.
За првпат во историјата, неколку села добија питка вода за пиење, нешто што требало одамна да биде решено.
Отворена е фудбалска школа Јегуновце 22, и комплетно е реновирана фудбалската соблекувална и фудбалскиот терен каде што децата имаат подобри услови за спортување.
Јегуновце доби и јавно претпријатие, за нашите потреби да ги решаваме сами.
Асфалтиравме улици, изградивме нови и проширивме канализациона и водоводна мрежа, донесовме ред таму каде што немаше.
Дадовме канти за отпадоци на секое домаќинство.
За Јегуновце продолжуваме понатаму бидејќи сите заслужуваат повеќе.
Деновиве има простор вашите идеи да се преточат во програма.
Знајте вашите зборови се мојата мотивација.
Одиме понатаму за поголеми проекти, за уште подобри услови, за развој што ќе остане на генерациите по нас!
