Можната испорака на американски ракети „Томахавк“ на Украина предизвикува исклучителна загриженост кај Русија, изјави денеска портпаролот на рускиот претседател, Дмитриј Песков.
– Проблемот со „Томахавк“ кај нас предизвикува исклучителна загриженост, како што веќе изјави претседателот Путин, рече Песков.
Тој истакна дека ракетите „Томахавк“ се сериозно оружје, но оти тие не можат да ја променат ситуацијата на фронтот, и додаде дека Русија внимателно ги следи бројните изјави за можноста за нивна испорака на Киев.
Песков оцени дека Европејците и Украина покажуваат апсолутна незаинтересираност да седнат на преговарачка масасто, што, според него, ја зголемува тензијата кај сите страни во врска со украинското прашање.
– Русија и понатаму вели дека е подготвена за мирно решение во Украина, а Трамп постојано зборува за потребата да се седне на преговарачка маса, истакна Песков.
