СКРОТЕН БИТОЛСКИ „ЈАГУАР“: Уапсен возачот Е.А. (47) кој кај Превалец возел со 179 км/ч на место каде е дозволена брзина до 80 км/ч

МВР информира дека вчера во 16:04 часот на магистралниот пат Битола – Ресен, на место викано Превалец, полициски службеници од СВР Битола го лишија од слобода Е.А.(47) од Битола.

При контрола во сообраќајот со радар било констатирано дека управувал патничко возило „јагуар“ со битолски регистарски ознаки со брзина од 179 километри на час на место каде максимално дозволената брзина со сообраќаен знак е ограничена на 80 километри на час.