Новинарката Лиридона Вејсели е казнета со 700 евра од Основниот суд во Гостивар, затоа што за време на своето известување го спомнала името на судијата кој судел во чувствителен предмет, во кој обвинетиот бил осуден на три месеци затвор за закана и уцена кон малолетно лице, извести ТВ 21.
Името на судијата во новинарскиот прилог, според пресудата, било оценето како повреда на честа и професионалниот углед на судијата. Одлуката за казнување на новинарката е донесена од судот во Гостивар, по предлог на ОЈО Тетово, иако и новинарката и судијата се од Тетово.
Новинарката Вејсели нагласува дека нејзините извештаи биле во согласност со професионалната етика и во функција на информирање на јавноста за прашања од висок јавен интерес.
За случајот реагираше и Здружението на новинарите на Македонија, изразувајќи сериозна загриженост и оценувајќи дека оваа првостепена пресуда испраќа многу лош сигнал за слободата на изразување во земјата. За овој случај имаше реакции и од јавни личности во земјата, вклучително и од политичките кругови.
Меѓу оние кои реагираа е и претседателот на Собранието, Африм Гаши.
За ова, Вејсели на својот ФБ профил напиша:
СКАНДАЛОЗНО Еве со што се соочувам, ме казнија со 700 € поради споменување на името на јавна личност! Не затоа што лажев. туку затоа то зборував. Не затоа што клеветев, туку затоа што ја прочитав одлуката што ја изрекол на тема од јавен интерес, малолетно девојче беше уценувано!
Ако спомнувањето на името на судии се нарекува кривично дело, тогаш ова е кривично дело што сум го направила!
