Рускиот претседател Владимир Путин, според наводи од Кремљ, по повод Велигден прогласил примирје од еден ден и пол во војната против Украина. Тоа треба да започне во утре (сабота) во 16 часот (15 по средноевропско време) и да трае во текот на целиот нареден ден.
Министерот за одбрана Андреј Белоусов и началникот на Генералштабот Валериј Герасимов биле задолжени да ги прекинат борбените дејствија во сите правци за време на примирјето, соопшти Кремљ.
Трупите треба да бидат подготвени да спречат можни провокации и какви било агресивни дејствија од противникот, се вели во соопштението, во кое се додава „очекуваме украинската страна да го следи примерот на Руската Федерација“.
