Со денешната одлука на Апелацискиот суд во Париз лидерката на француската крајно десничарска партија Национален собир, Марин Ле Пен, останува осудена за проневера на пари од Европскиот парламент, но ѝ е дозволено потенцијално да се кандидира на претседателските избори во 2027 година.
Судот ја ублажи претходно воведената забрана за јавна функција, што не ја спречува да се кандидира за претседател на Франција.
Во исто време, таа беше осудена да отслужи дел од затворската казна во домашни услови со електронско следење, односно носење електронска алка.
Ле Пен претходно изјави дека водењето претседателска кампања под такви услови би било практично неизводливо и дека затоа може да се откаже од кандидатурата, и покрај тоа што формално ги исполнува законските услови.
Таа беше осудена за злоупотреба на пари наменети за асистенти на членовите на Европскиот парламент, кои, според пресудата, биле користени за финансирање на вработените во нејзината партија Национален собир.
Ле Пен ги негираше обвинувањата.
Доколку Ле Пен се повлече, се очекува кандидат на Национален собир да биде претседателот на партијата, Џордан Бардела.
