Состојки:
1 кг цврсти, зрели круши
1 кг шеќер
200 мл вода
1 лимон
1 ванилин шеќер (по желба)
2–3 каранфилчиња или малку цимет (по желба)
Подготовка:
Крушите излупете ги, исчистете ги од семките и исечете ги на половинки или четвртинки. Ако се помали, може да останат цели.
Во поголемо тенџере ставете го шеќерот и водата. Варете на средна температура додека да добиете проѕирен шербет.
Додадете ги крушите и варете ги на умерена температура. Не мешајте со лажица за да не се распаднат крушите, туку повремено протресете го тенџерето.
По околу 20–30 минути, додадете го сокот од лимон. Лимонот ќе спречи кристализирање на шеќерот и ќе му даде убав вкус на слаткото.
По желба додадете ванилин шеќер, каранфилче или малку цимет.
Слаткото е готово кога шербетот ќе стане густ, но сè уште течен. Проверете така што ќе ставите капка шербет на ладна чинија – ако не се разлева веднаш, готово е.
Топлото слатко наполнете го во чисти и стерилизирани тегли и добро затворете ги.
За убаво, бистро слатко, користете цврсти круши кои не се презреани. Така ќе останат цели и нема да се распаднат при варењето.
