Неколку високи американски воени функционери беа подложени на полиграфски тестови како дел од широка истрага за протекување класифицирани информации, откако детали за залихи од најнапредното американско оружје беа објавени во медиумите, изјавија за Си-Би-Ес њуз американски функционери запознати со случајот, додавајќи дека тоа предизвикало загриженост дека некои од нив би можеле да работат за странска разузнавачка служба.
Претседателот на САД, Доналд Трамп, бил бесен поради протекувањето, според извори кои зборувале под услов на анонимност.
Според еден од нив, многу малку луѓе имале пристап до класифицирани информации за залихите со муниција, што предизвикало загриженост дека некои од нив би можеле да работат за странска разузнавачка служба.
Полиграфските тестови не се невообичаени за високи воени и цивилни службеници, но бројот на луѓе тестирани ова лето во оваа истрага бил невообичаено голем, велат официјалните лица. Порано ова лето беа тестирани неколку десетици луѓе, вклучувајќи некои службеници од Централната команда на САД, како и команданти на единици.
