Поради силните вибрации кои предизвикуваат „ефект на трамболина“ и мачнина кај гледачите, германскиот второлигаш Бохум воведе необична забрана за своите најверни навивачи.
Раководството на клубот одлучи да го забрани организираното и ритмичко скокање на источната трибина на „Рурштадионот“.
Одлуката доаѓа по стручниот преглед на објектот пред планираната модернизација. Иако безбедноста и носивоста на трибината не се загрозени, инженерите утврдиле дека синхронизираното скокање на илјадници луѓе предизвикува силно поместување на конструкцијата. Овие вибрации се толку силни што кај гледачите кои не се навикнати на нив можат да предизвикаат физичка непријатност и мачнина.
Oд клубот нагласиле дека спонтаното славење и скокањето при постигнување гол остануваат дозволени. Забраната се однесува исклучиво на континуираното, организирано скокање кое го создава споменатиот ефект.
