Еден монах од Кенија, по име Петар Табичи, е наставник по науки во едно мало сиромашно село, кое стана познато преку ноќ затоа што таму замина најпрестижната награда за наставниците, Глобална награда за наставници. Тој се натпреваруваше со 10.000 други кандидати од 179 земји и сега дома однесе милион долари.
Петар е наставник по науки во едно село во Кенија, каде 95 отсто од жителите се многу сиромашни. На часовите понекогаш има и 80 деца. Некои од неговите ученици мора да пешачат и до 6 километри за да присуствуваат на часовите.
Овој наставник 80 проценти од својата заработувачка ја троши на учениците, на коои им купува книги и униформи. Тој веќе рече дека поголемиот дел од својата парична награда ќе го даде за поддршка на сиромашни.
„Училиштето е во многу оддалечена област – повеќето од учениците доаѓаат од многу сиромашни семејства, каде тешко се обезбедува и појадок.“, рече Петар во својот говор по освојувањето на Глобалната награда за наставници.
Тој е подготвен да им даде на сите што треба за да го зголеми интересот за образование и наука.
Неговите ученици биле успешни во повеќе национални и меѓународни научни натпревари, вклучувајќи и награда од Кралското друштво за хемија во Велика Британија. Всушност, многу од неговите студенти сега се прифатени на универзитетите.
Петар не е само наставник по наука, тој сака да ги промени умовите на луѓето за традицијата девојчињата да се венчаат на рана возраст, поттикнувајќи ги семејствата да ги задржат своите ќерки во училиште.
„Како наставник, кој работи на фронт, видов ветувачки млади луѓе – нивната љубопитност, талент, нивната интелигенција и нивното верување“, рече тој.
Претседателот на Кенија му честиташе на Петар за неговото неверојатно достигнување и признание за неговата храброст и решителност и рече: „Петар – твојата приказна е приказната за Африка, млад континент кој се расплетува со талент. Вашите ученици покажаа дека можат да се натпреваруваат меѓу најдобрите во светот во областа на науката, технологијата и сите полиња на човековите напори“.
