Во гостиварско Бањица, каде пред 4 дена се случи првата експлозија што ги означи градежните активности за делницата Гостивар-Кичево во рамките на Коридорот 8, албанската опозиција ги „лансираше“ своите обвинувања кон власта. Пратеникот Фадиљ Зендели, говорејќи во името на Движење Беса, Алтернатива и Демократско Движење, рече дека првиот вицепремиер Артан Груби го персонализирал овој коридор, што морало навреме да се направи, но според него, сега проектот врие поради до конфликт на интереси, бидејќи двете компании се најголемите донатори на ДУИ.
„Компаниите ЕУРОВИА и АК ИНВЕСТ се најголемите донатори на ДУИ, тој дури и го злоупотребува присуството на амбасадорката за да прикрие вакви корупциски скандали. Народот чека одговори за ваквите случувања. Дали Артан Груби и кажал на американската амбасадорка Анџела Агелер дека го злоупотребува нејзиното присуство за да покрива нови скандали со партиски донатори на ДУИ? Колку милиони евра ќе се слеат на сметките на „Еуровиа“ и „АК ИНВЕСТ“? Колку од тие средства ќе се слеат на сметката на ДУИ, а колку во џебовите на некои клиентелисти инсталирани околу Али Ахмети-вели Зендели.
За ова Груби зборуваше на 12 септември, денот кога почнаа работите на овој дел. Во однос на компаниите „Еуровиа“ и „Ак инвест“ рече дека целиот проект, но и подизведувачите се одговорност на компанијата „Бехтел и Енка“ и дека Владата нема никаква надлежност.
Коридорот 8 треба да биде завршен до крајот на 2027 година.
