Портпаролот на ВМРО-ДПМНЕ Димче Арсовски го осудува дискриминирачкиот и шовинистички коментар кон обвинителката Фатиме Фетаи на новинарот Љупчо Златев објавен на социјалните мрежи, но ја повика јавноста и да го осуди говорот на омраза што го шири новинарот Бранко Тричковски, а во кој последно ги вмеша и децата на лидерот на опозициската ВМРО-ДПМНЕ, Христијан Мицкоски.

ВМРО-ДПМНЕ секогаш осудувала и осудува дискриминирачки и шовинистички однос кон женската популација и бараме веднаш да прекине таквиот говор од сите страни кои го промовираат. Воедно, бараме јавноста да ги осуди сите политички чинители и да прекине говорот на омраза и мизогонија од страна на новинарот Тричковски, кој во статус на Фејсбук ги вмешува и децата на претседателот на ВМРО-ДПМНЕ Христијан Мицкоски за политичка пресметка, вели Арсовски за „Република“.