БИСЛИМОВСКИ: Од полноќ дизелот ќе поевтини за два денара, а тие што не ставија на билборд јавно да ни се извинат и да кажат оти лажеле

Претседателот на Регулаторната комисија за енергетика (РКЕ) Марко Бислимовски денеска најави нови цени на горивата. Дизелот, како што рече, ќе поевтини за два денара.

-Уште еднаш се потврдува дека РКЕ работи по јавно објавена методлогија, а до 2019 година методологијата беше таен документ и не смееше да се објави. Тие што не ставија на билборд, сега јавно да се извинат и да кажат дека лажеле, истакна Бислимовски, одговорајќи на новинарски прашања по работната средба со претставниците на Македонската енергетска асоцијација (МЕА) во Стопанската комора.

Бислимовски ги „измеша“ нафтата и гробот на Александар Македонски:

– РКЕ определува цена на нафтени деривати врз основа на цена на нафтени деривати на берза и курс на долар. Ако некој мисли дека во Македонија има свои резерви на нафта и можеме ние сами да си правиме цени, јас го отстапувам своето место и нека прави цени какви што смета од сопствено производство. Најверојатно секогаш околу Свети Николе кажуваат дека има, и гробот на Александар Македонски бил и нафта дека имаме. Верувам дека конечно нешто ќе најдат и ќе помогнат на граѓаните, рече Бислимовски.

Денеска Регулаторната комисија за енергетика донесе Одлука со која се врши намалување на малопродажните цени на нафтените деривати во просек за 0,42% во однос на одлуката од 25.07.2022 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,645%, кај дизелот за 2,347%, кај екстра лесното масло за 2,102% и кај мазутот намалување за 0,05%.

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на Екстра лесното масло за домаќинство (ЕЛ-1) и на Мазутот М-1 НС не се менуваат.

Малопродажната цена на ЕУРОДИЗЕЛ (Д-Е V) се намалува за 2,00 ден/лит и сега ќе изнесува 94,00 ден/лит.

Од 28.7.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 95,50 (денари/литар)
Моторен бензин ЕУРОСУПЕР БС – 98 98,00 (денари/литар)
Дизел гориво ЕУРОДИЗЕЛ БС (Д-Е V) 94,00 (денари/литар)
Масло за горење Екстра лесно 1 (ЕЛ-1) 94,50 (денари/литар)
Мазут М-1 НС 52,840 (денари/килограм)

НА ДЕНЕШЕН ДЕН: Леонард Г. Мазинг во 1890 година во Естонија ја одбранил првата докторска дисертација за македонскиот јазик

ВРЕМЕ: Магливо утро, сончев ден со најниска температура од минус 4 и највисока дневна до 16 степени, слично ќе биде до петок

Мицкоски утре во Охрид, КОСТЕЛ ја проширува инвестицијата со нови 45-50 милиони евра

НИКОЛОСКИ ЗА УСТАВНИТЕ ИЗМЕНИ СО ОДЛОЖЕНО ДЕЈСТВО: Ако сработиме добро со Франција, нашите аргументи може да бидат примени

ДОБИЛА ДЕСЕТИНА МИЛИОНИ ЕВРА: За Меркел, во Мемоарите, Македонија е БЈРМ, Србите извршиле ужасни злосторства, а бомбардирањето на Србија е оправдано

БИСЛИМОВСКИ: Од полноќ дизелот ќе поевтини за два денара, а тие што не ставија на билборд јавно да ни се извинат и да кажат оти лажеле

Најнови вести

НА ДЕНЕШЕН ДЕН: Леонард Г. Мазинг во 1890 година во Естонија ја одбранил првата докторска дисертација за македонскиот јазик

ВРЕМЕ: Магливо утро, сончев ден со најниска температура од минус 4 и највисока дневна до 16 степени, слично ќе биде до петок

ДЕНЕСКА Е СВ. ГРИГОРИЈ ПАЛАМА: Архиепископ Солунски кој се прослави и како подвижник, богослов и како чудотворец

ДЕНЕСКА СЕ СЛАВИ СВ. ЦАР ЈУСТИНИЈАН: Роден е кај Скопје, изградил многу храмови, а најубав од најубавите е Св. Софија во Цариград