Шампионот на Англија, Арсенал ја постигна и третата победа откако попладнево во лондонското дерби го совлада Челзи со 2:1, иако противникот имаше водството од 1:0. Арсенал заедно со Манчестер Сити се единствените два тима со максимален ефект во Премиер лигата по трите кола.
Челзи поведе со голот на Морган Роџерс во 2.минута. Но, тоа беше знак дека „топџиите“ тргнуваат силно кон противничкиот гол.
Десет минути подоцна Арсенал постигна гол, но поради офсајд позиција беше поништен. Сепак во 25.минута домашниот тим го изедначи резултатот, а стрелец беше поранешниот фудбалер на Челзи, Каи Хаверц. Голот за победа Арсенал го постигна на почетокот на вториот дел во 50.минута преку капитенот Мартин Одегард. До крајот на дуелот првакот успеа да ја одржи предноста.
По денешниот пораз Челзи е на четвртото место со 6 бодови и е единствената екипа од првите девет на табелата која има пораз. (МИА)
