Времето во Македонија ќе биде сончево со мала до умерена облачност и со слаб до умерен северозападен ветер.
Утринската температура ќе се движи од 10 до 18, а дневната од 27 до 34 степени.
УВ-индексот ќе изнесува 9.
Во Скопје, сончево со мала до умерена облачност и со слаб до умерен северен ветер. Утринската температура ќе се спушти до 15, а дневната ќе се искачи до 31 степен.
До крајот на работната недела ќе се задржи претежно стабилно и потопло време. Во петок ќе има услови за краткотрајна нестабилност на северот и ќе започне да дува поинтензивен северен ветер. За време на викендот се очекува појава на локален дожд и ретки грмежи, а ќе дува повремено засилен северен ветер.
