Кошаркарите на Феникс триумфираа над Лос Анџелес клиперс во драматична завршница синоќа на домашен терен со 104:103 во вториот натпревар од финалето во Западната конференција во НБА лигата.
Феникс сега води со 2:0 во серијата до четири победи и е на половина пат да дојде до своето прво НБА финале од 1993 година.
Двете екипи се менуваа во водство во завршните минути, а победата на домашните кошаркари им ја донесе Деандре Ајтон на седум десеттинки пред крајот на натпреварот.
Камерон Пејн беше најефикасен во редовите на Феникс со 29 поени, а Ајтон додаде 24 кошеви и 14 скокови.
За Феникс ова беше деветта последователна победа во разигрувањето за титулата во НБА лигата.
Третиот натпревар се игра в четврток во Лос Анџелес.
