Пионот на Зоран Заев, Димитар Ковачевски и должи одговори на јавноста како ја стекнал докторската титула на универзитетот во Подгорица Црна Гора, се истакнува во денешната реакција од ВМРО-ДПМНЕ.

И додека се чека одговор, опозициската партија, вели дека „неспособноста на Заев и Ковачевски ќе резултира и со поскапо парно во Македонија“.

– Како е возможно лице кое е вршител на раководна функција во компанија во Македонија во исто време да се стекне со докторска титула во Црна гора, ако се има предвид дека за докторски студии потребно е докторантот да престојува во земјата каде се наоѓа Универзитетот, да врши истражувања и друг вид активности? Дали докторатот во Црна Гора има врска со тоа што татко му на пиунот Ковачевски баш во тој период бил македонски амбасадор во Црна Гора? Но она кое што е клучно, дали тој воопшто докторирал на универзитетот во Подгорица? Медиумите информираа дека во дата базата на факултетот на кој докторирал Ковачевски, воопшто не постои негова докторска студија, што отвора многу нови сомнежи, се вели во соопштението.

На овие прашања, се додава во истото, пионот на Заев го нема со денови да одговори.

– Да потсетиме дека во лага беа фатени пропагандистите од власта кои тврдеа дека Ковачевски е студент на Харвард, па излезе дека посетувал неколку дневен скап курс. Да не испадне и со докторатот некоја манипулација? Тоа е особеност на заевизмот, чиј послушник е токму Ковачевски. Пионот Ковачевски освен што Заев го шета за рака и го преставува, освен што понизно му се поклонува на својот ментор, има обврска и да дава одговори и отчет пред јавноста. Но за жал тој одбра да молчи, исто како што молчеше за погубните политики на Заев, како што молчеше за погрешните потези кои доведоа до економска, енергетска и здравствена криза. Затоа Заевизмот кој е причината за кризите и Ковачевски како верен продолжувач на заевизмот мора да биде поразен на избори. Само така Македонија може да се надева на напредок, соопштува опозициската партија.

Во друго соопштение, ВМРО-ДПМНЕ, предупредува дека „неспособноста на Заев и Ковачевски ќе резултира и со поскапо парно греење“.

-Ненавременото снабдување со гас на земјава ги става корисниците на градското парно пред огромен ризик од покачени сметки. Наместо власта да набави гас навреме и да се снабди државата во пресрет на грејната сезона, земјата само што влезе во зимскиот период со опасност од големо покачување на парното. Ова доаѓа на само месец дена откако се најави поскапување на струјата, а државните ЕЛЕМ и МЕПСО плаќаат милиони за увоз и за пенали кон европскиот систем. Владата не презема никакви активности во насока на обезбедување сигурно и навремено снабдување со енергенси, и затоа сега плаќа десеткратно поскапо со народни пари, се вели во соопштението.