Мега-комплексот „ Форест Сити “, вреден 100 милијарди долари, официјално беше отворен во 2016 година.
Замислен е како футуристички урбан центар кој ветува луксузно живеење и еколошка средина.
Се наоѓа во малезиската држава Џохор, главно финансиран од Кина, а требаше да прими 700.000 жители. Сепак, приказната отиде во друга насока.
Денес, „ Форест Сити “ е познат како таканаречен град на духови, бидејќи околу 9.000 луѓе живеат на огромна површина, исполнета со висококатници (податоци од 2023 година).
Популарниот јутјубер Бен Морис одлучил да го посети комплексот и да дознае повеќе за причините зошто тој не го исполнил својот полн капацитет, пренесува LadBible.
Најголемиот инвеститор Country Garden Holdings организирал свечено отворање на 6 март 2016 година. Во тоа време, во градежништвото се инвестирале огромна сума на пари, со цел да се привлечат купувачи од средната класа.
Сепак, работите не оделе според планот. Кинескиот инвеститор наиде на финансиски проблеми, проектот не бил завршен, а одговориле (пре)мал број купувачи.
„Се шпекулира дека има повеќе причини кои довеле до пропаѓање на проектот, како што е недостигот на средства. Идејата беше да им се понуди на Кинезите шанса да поседуваат втор дом во странство. Денеска гледаме дека многу згради се празни“, изјави Јутјуберот.
Тој бил изненаден од тоа колку се луксузни имотите, а на гледачите им покажал како изгледаат.
„Апартманите имаат тениски игралишта, базени, спортски сали и други удобности“, објасни тој.
Некогаш странските медиуми ја пренесоа приказната за Назми Ханафи, ИТ експерт, кој се преселил во „Форест Сити“.
„Побегнав од таму по шест месеци. Изнајмив еднособен стан, но не ми беше грижа за депозитот, само сакав да заминам. Таму си осамен, сам со твоите мисли“, рече тој.
Ханафи изјави дека имал „големи очекувања“ од мегакомплексот, но дека имал „лошо искуство“.
Луѓето кои со свои очи го виделе „ Форест Сити“ велат дека изгледа како „напуштено одморалиште“, со напуштена плажа, знаци за забрането капење, куп затворени продавници и ресторани.
