Францускиот министер за правда, Ерик Дипон-Морети, на Твитер објави дека „наредил административна истрага“ по организацијата, во затворот Френ, на настани инспирирани од телевизиското шоу „Кох Ланта“ за корист на здруженија на граѓани.
Овој настан, наречен „Кохланес“, се одржа на 27 јули во рамките на естаблишментот Вал-де-Марн, но видеото објавено во петокот на Ју Туб, веднаш предизвика жива полемика.
Според Министерството за правда на Франција, одржувањето на оваа активност (картинг трката) било потврдено, но сликите што биле емитувани не соодветствуваат со она што било прифатено. Организаторот увери дека „работел рака под рака со администрацијата“, јавува дописникот на МИА.
Три тима – затвореници, чувари и жители на Френ – се натпреваруваа во различни настани: прашалник, картинг, мимика или влечење јаже над базен.
Министерот за правда на Твитер напиша: „По шокантните слики од затворот Френ, веднаш наредив истрага за да се расветли целосно настанот. Борбата против рецидивизмот оди преку реинтеграција но секако не преку картинг!
Во видеото, Џибрил Драме, организатор на оваа „Кохн Ланта на предградијата“ – во чие прво издание силите ги опдмеруваа младите и полицијата се одржа во јули во градот Френ – прецизираше дека затворениците кои учествувале во играта биле во затвор „за кратки казни“. -Во ред, сите луѓе (затвореници) што се таму, се таму со добра причина и патот до реинтеграција е преку работа во затвор, но ние исто така имаме должност да не ги оставиме настрана и пред се да не заборавиме дека се луѓето како ние сите, додаде тој.
Директорот на затворот, Џими Делист, го поздрави „моментот на братска посветеност во корист на три здруженија“, заблагодарувајќи им се на организаторите.
Министерството за правда за француските медиуми нагласи дека министерот „секогаш бил за тоа на затворениците да им се нудат спортски и културни активности, но во проектот, како што беше претставен, активностите не беа презентирани како што беа откриени во ова видео, особено она за картинг“.
Организаторот, Енцо Анџело Санто, појасни на БФМ-ТВ, дека „во ниту еден момент никого не изненадиле; сите биле свесни за нивната активност“. „Со овој проект работевме рака под рака со администрацијата. Не работевме сами“, додаде тој.
Вчера, неколку екстремно десничарски избрани политичари силно ја критикуваа организацијата на овие „летни активности за затворениците“ во Френ. „Во ова време секое трето дете не оди на одмор поради немање финансиски средства. Даночните обврзници ќе бидат среќни да видат каде се трошат нивните пари “, напиша на Твитер Хелен Лапорте, потпретседателка (Национален собир) на Националното собрание.
Пратеникот (Републиканци) Ерик Чиоти исто така протестираше: „Нашите затвори не се летни одморалишта во кои затворениците и чуварите плетат врски на пријателство. »
Неколку полициски организации, исто така, реагираа негативно, како што е Унијата на извршни директори за внатрешна безбедност, сметајќи ги сликите „шокантни“ и иронични на Твитер: „Затворот мора да промовира реинтеграција, но дали треба да се трансформира во центар на забава? Седрик Бојер, одговорен на синдикатот Форс Увриер-правда во затворот Френе, истакна дека „реинтеграцијата вклучува стручна обука, работа, училиште и пред сè компензација за жртвите“ и дека „затворот е место за лишување од слобода“.
