Американскиот претседател Џо Бајден го нарече рускиот претседател Владимир Путин „луд кучкин син“ во синоќешниот говор на собирање средства за неговата кампања.
Бајден зборуваше за климатските промени кога вклучи критики за Путин.
– Имаме луди кучкини синови како Путин и другите, и постојано мораме да се грижиме за нуклеарен конфликт, додека егзистенцијална закана за човештвото е климата, изјави синоќа Бајден.
Тој им се обрати на донаторите во приватен дом во Сан Франциско како дел од тридневното собирање средства за кампањата за претседателските избори во ноември, кога ќе се кандидира за втор мандат.
Портпаролот на Кремљ изјавите на американскиот претседател Бајден денеска ги оцени како „срамни“.
„Огромен срам за САД е ако претседателот на таква земја користи таков јазик, тоа е навистина страшно“, оцени денеска портпаролот Дмитриј Песков.
фото: МИА архива
