Хрватскиот Сабор денеска со 116 гласови „за“ и два „против“ го ратификува Протоколот за пристапување на Македонија во НАТО.
Гласањето го следеше и делегација од Македонија. Претседателот на Саборот Гордан Јандроковиќ им честиташе за потврдувањето на Протоколот за влез во НАТО, најавувајќи дека Хрватска ќе продолжи да и дава поддршка на на нашата земја и на патот кон членството во Европската Унија.
– И честитам на Република Северна Македонија за членството во НАТО и можам да ви кажам во име на застапниците кои ја поддржаа денешната одлука дека Република Хрватска ќе ви даде поддршка на патот кон ЕУ, порача Јандроковиќ.
Хрватска е петта члекна на НАТО што го ратификува Протоколот за членство во НАТО. Прва тоа го стори Грција, а по неа Словенија, Албанија и Бугарија. Протоколот за членство денеска треба да биде одобрен и во Парламентот на Црна Гора.
