Изнудената оставка на Рашковски проследена со арогантен напад на јавноста не е преземање на одговорност, се вели во денешната реакција на ВМРО-ДПМНЕ во врска со оставката на Драги Рашковски во Владата.

-Драги Рашковски има и тоа колку многу причини да одговара, почнувајќи од скандалот Леонардо, преку САРХЕМС, па до најновиот скандал со набавката на софтверот на МВР, но и за непријавениот имот, џип и хациенда. Но ако мислат Рашковски и неговиот шеф Зоран Заев дека со оставката ќе ги покријат милионските скандали, се лажат. Зоран Заев очигледно сака своите соработници кои се до гуша заглавени во криминали и корупција да ги спасува само со оставки. Така беше случајот со ден Дончев и Лидија Димова, така е и сега со случајот на Драги Рашковски. Овие милионски скандали не се покриваат со оставка, потребана е одговорност и судска разврска, се вели во соопштението од ВМРО-ДПМНЕ.

Како што објавивме утрово Рашковски поднесе оставка во Владата,во која обвинува за „ширење лажни вести“ за него.