Според календарот на МПЦ (Јулијанскиот календар) денеска е 19 февруари.
Денеска е Св. апостоли Архип, Филимон и Апфиј.
Филимон се спомнува во Новиот завет: има едно послание од апостол Павле упатено до него. Живеел во градот Колоси, Мала Азија. Секој Господов ден во неговиот дом се собирале сите христијани од Колоси да ја прослават тајната на Благодарењето. Во своето служење на Црквата средечно му помагала и неговата жена Апфија. Во една пригода, двајцата биле затворени заедно со епископот на Колоси, Архип, како христијани, а потоа осудени од ефескиот регионален управник на маки и на смрт.
ОД КАТОЛИЧКИОТ КАЛЕНДАР: Денеска е Св. Казимир.
Тој бил заштитник на Полска и Литванија. Се родил во 1458 година во кралскиот двор во Краков, како трето дете на полскиот крал и голем литвански кнез, Казимир Четврти. Додека неговиот татко престојувал во Литванија, тој бил во Полска. Не се оженил со ќерката на царот Фредерик Трети. Се одликувал со побожност кон Богородица и љубов кон сиромашните. Умрел во 1484 година.
