Катар негира дека држи ирански пилоти, наведувајќи дека тие претходно годинава го нарушиле воздушниот простор на Катар и не одговориле на обидите за воспоставување контакт.
Портпаролот на катарското Министерство за надворешни работи на социјалната мрежа „Икс“ изјави дека спасувачките и истражувачките екипи подоцна ги пронашле останките на еден од пилотите и дека Катар веќе стапил во контакт со Иран за да го координира нивното предавање.
Генералштабот на вооружените сили на Иран вчера соопшти дека побарал помош од Меѓународниот комитет на Црвениот крст за ослободување на тројца ирански пилоти кои, според Техеран, ги држи Катар.
Во писмото објавено од иранската новинска агенција Фарс, се наведува дека пилотите биле заробени откако нивните авиони биле соборени за време на мисија во март против она што Техеран го опиша како „непријателска воена база“ во Катар.
Катарските власти целосно го отфрлаат тврдењето дека ги држат пилотите и соопштуваат дека еден од нив бил пронајден мртов.
