Кавадарци ќе добие регионален вински музеј во градскиот парк. Едногласната одлука  за основање денеска ја донесе Советот на општина Кавадарци.

Според одлуката, средствата и имотот ќе се обезбедат од буџетот на општината, Министерството за култура и други извори.

Советниците позитивно го оценија елаборатот изготвен од Весела Честоева, кустос историчар на уметност и археолог при Музеј галерија Кавадарци.

На седницата беше кажано дека Тиквешијата е регион каде со векови се одгледувала виновата лоза.

-Музејот ќе ги обединува сите музеолошки дисциплини. Археолошка, етнолошка и историска, рече меѓу другото Честоева.