Болки во рбетот е новиот симптом на коронавирусот, а вирусот напаѓа од бебиња до пензионери, тврди српскиот доктор Александар Стојановиќ.
– Мнозинството од заразените со Ковид-19 немаат никакви симптоми. Кога ќе се појават првите знаци на вирусот, тие обично се благи и често тестот не ги открива, односно е негативен, а пациентот е всушност позитивен на Ковид. Младите се инфицираат на исто колку и постарите, но нивната клиничка слика е обично поблага од грипот и изгледа како обична настинка, иако не е. Има малку покачена температура, болно грло кое трае ден-два. Сепак, важно да се тестираме, и за себе и за другите, рече д-р Александар Стојановиќ, директор на Здравствениот дом „Палилула“ од Белград во утринската програма Редакција.
Тој додава дека забележан е нов симптом кај овој сој на коронавирусот, на кој досега никој не се пожалил.
– Еден од симптомите е болка во ‘рбетот, речиси секој втор, трет пациент над 40 години нема други потешкотии, туку само болка во грбот. Со овие симптоми се среќаваме за првпат. Овој вид е специфичен. Имаш болки во кичмата, немаш температура, правиш тест и си позитивен. Имаме заразени и бебиња од еден месец, месец и пол. Тинејџерите го поминуваат на нозе. Симптомите ќе бидат поблаги. Но, возрасните уште се најранливи, изјави Стојановиќ.
