Лидерот на опозициската ВМРО-ДПМНЕ Христијан Мицкоски на неговиот фејсбук профил постави десет клучни прашања поврзани со изградбата и работата на модуларните болници. 10 прашања на кои Зоран Заев и Филипче немаат одговори. Содржината на постот ви ја пренесуваме во целост.

Настрана од политиката, настрана од отсуството на морал, кој видовме дека го немаат, прашањата кои секој еден човек ги поставува и се во рамките на здравиот разум се следниве:

Како се градени модуларните болници, од каков материјал и на кој начин?

Дали министерството за здравство побарало од изведувачот минимум стандарди за градба на модуларните бараки?

Колку е платено за нивната изградба и дали тоа соодветствува со добиениот производ?

Зошто немало противпожарни апарати и систем за противпожарна заштита?

Зошто немало доволно медицински персонал, и каква е таа здравствена заштита во која лекари се роднините на болните?

Зошто било плаќано мито за грижа на пациентите?

Кој од власта се заканува врз роднините на жртвите од несреќата и ги опоменува што да сведочат?

Ако одделот за организиран криминал на обвинителството не води постапка, тогаш кој тоа го прави во обвинителството?

Дали ОЈО ја слушна изјавата на премиерот кој призна дека е длабоко инволвиран во истрагата која мора да биде непристрасна и објективна?

Што треба дополнително да се случи за да Зоран Заев и Филипче си поднесат оставки и ја ослободат истрагата?

Фотелјите на Зоран Заев и Филипче не се поважни од вистината, изјави опозицискиот лидер Мицкоски на фејсбук.