Денеска исчезнува хибридната форма за прогон кон ВМРО ДПМНЕ и сите што мислат поразлично од оваа власт, напиша на Фејсбук поптрепседателот на ВМРО-ДПМНЕ, Владо Мисајловски.
– Многу фактори застанаа позади оваа институција да ни ја прикажат како столб на правдата, како клучот за борбата против корупцијата, но на крај сакале или нејќеле да признаат сите ја гледаат оваа институција како Срамно Јавно Обвинителство. Но ние нема да заборавиме за нивниот прогон кон ВМРО ДПМНЕ. Нема да заборавиме за притисоците и местенките за промена на името. Нема да заборавиме дека за добра цена си поигруваа со правото и правдата. Нема да заборавиме дека потрошија милиони евра без да подложат на ревизија и да немаат никаква одговорност за нивното трошење. Нема да заборавиме дека се ставија во целосна функција на власта како нивни инструмент за политичко прогонување, но и креирање негативно јавно мислење за сите што не размислуваат исто како оваа власт. Но, секој што си поиграл со правото и правдата ќе си одговара, порача Мисајловски.
