Министерството за одбрана на Тајван соопшти дека вчера се регистрирани шест кинески балони кои летале над Тајванскиот Теснец, од кои еден прелетал над островот.
Другите пет балони одлетале над северниот дел на Тајван, но не прелетале над копното. Сите балони се движеле кон исток пред да исчезнат.
Претходно тајванското Министерство за одбрана ја обвини Кина за загрозување на безбедноста на воздушниот сообраќај со балони и со психолошката војна против Тајванците, неколку дена пред изборите во Тајван, што се одржаа на 13 јануари.
Кинеското Министерство за одбрана минатиот месец одби да ги коментира инцидентите со балоните.
Користењето на балони за шпионажа од страна на Кина од февруари минатата година е глобално прашање, откако САД соборија кинески балон за надзор. Тогаш Пекинг соопшти дека балонот бил цивилно летало што залутало случајно.
фото: МИА архива
