Индискиот премиер Нарендра Моди и рускиот министер за надворешни работи Сергеј Лавров денеска во Њу Делхи разговараа за состојбата во Украина, Блискиот Исток и за зајакнувањето на билатералната соработка.
Средбата се одржа по состанокот на министрите за надворешни работи на земјите членки на БРИКС, при што индиската страна повторно го истакна ставот дека дијалогот и дипломатијата се неопходни за решавање на конфликтите.
Во соопштението од кабинетот на индискиот премиер се наведува дека двајцата функционери разговарале за регионални и глобални прашања од заеднички интерес. За време на средбата, Моди го повторил долгогодишниот став на Индија дека дипломатскиот ангажман и дијалогот се клучни за решавање на меѓународните конфликти и за зачувување на регионалната стабилност.
Во разговорите бил разгледан и напредокот во билатералната соработка од средбата меѓу Моди и рускиот претседател Владимир Путин на 23. годишен самит Индија-Русија, одржан во декември 2025 година. Моди го замолил Лавров да му ги пренесе неговите срдечни поздрави на Путин, се наведува во соопштението.
