Во заедничка акција на полицијата и ЗОО Скопје спасен е коњ кој успеал да влезе во напуштена зграда во центарот на градот, соопштија денеска од Зоолошката градина.
– Приказна со среќен крај. Вчера на неколку портали беше објавено дека во Дебар Маало има коњ на тераса од стан во напуштена зграда, а полицијата добила и неколку пријави од граѓани. Колегите од Скопје ЗОО, заедно со директорот Кристијан Стаменов, МВР и инспектор на АХВ излегоа на терен и ја започнаа спасувачката мисија на коњчето кое за жал било врзано во руинираниот објект и оставено без храна и вода. Доцна вечерта коњот беше пренесен во Скопје ЗОО каде што ќе му обезбедиме ветеринарна грижа и најдобра нега. Апелираме да не се измачуваат овие најпрекрасни животни и што поскоро да се направи план на централно ниво за што поголема благосостојба на коњите, се вели во објавата на ЗОО Скопје на нивниот официјален профил на Фејсбук.
Објавуваме фотографии од спасувачката акција.
