Нова поморска несреќа во Црна Гора: Едно лице загина, повеќе се повредени во судир на јахта и едрилица

Во поморска несреќа што се случи во Заливот Бока Которска, во близина на Луштице, едно лице загина, а повеќемина се повредени.

Несреќата се случи откако се судрија моторна јахта и едрилица, изјави директорот на Управата за поморска безбедност Сафет Кочан.

Тој додаде дека во тек е акција за спасување на повредените лица. Во спасувачката вклучен е и хеликоптер.

Тоа е втора несреќа на море за една недела.

Минатата недела во Улцињ загинаа мајка и син, државјани на Словенија. Несреќата се случи кога „банана“ закачена за скутер, на која се наоѓаа четири лица удри во брод кој превезуваше туристи. Ќерката и таткото не беа повредени во несреќата.