НОВИ ПОТРЕСИ УТРИНАВА: Серија земјотреси повторно се почувствувани во Битола, најсилниот во 4:01 часот 3,7 степени според Рихтеровата скала

Серија земјотреси од пограничното епицентрално подрачје Битола-Лерин утринава повторно се почувствувани во Битола и околината.

Сеизмолошката опсерваторија при Природно-математичкиот факултет во Скопје информира дека најсилно е почувствуван земјотресот во 04:01 часот кој бил со Рихтерова магнитуда од 3,7 и интензитет од четири степени според Европската макросеизмичка скала.

Епицентарите на земјотресите се наоѓаат на 120 километри јужно од Скопје, во соседна Грција.

Земјотрес во Скопје со Рихтерова магнитуда од 2,6

Земјотрес со интензитет од три до четири степени според Европската макросеизмичка скала утринава во 9:09 часот е регистриран во Скопје.

Земјотресот е со Рихтерова магнитуда од 2,6, а епицентарот е од скопското епицентрално подрачје.

Според податоците со кои располага Сеизмолошката опсерваторија при Природно-математичкиот факултет во Скопје, земјотресот е почувствуван од населението во Скопје и околината.