Основниот суд во Приштина го одби барањето на Министерството за правда на Македонија за екстрадиција на Африм Исмаиловиќ, осуден во случајот „Монструм“.
Во меѓувреме, скопскиот Кривичен суд на 23 февруари оваа година го осуди Алил Демири на доживотен затвор, како и браќата Агим и Африм Исмаиловиќ, обвинети за петкратното убиство кај Смилковското езеро. Останатите двајца обвинети, Фејзи и Хаки Азири, беа осудени од судот на 15 и девет години затвор. Во меѓувреме, Сами Лута беше ослободен од обвинение во отсуство на докази.
На 1 април по сообраќајна несреќа во Косово, Исмаиловиќ беше однесен во полициска станица и е утврдено дека тој се бара со потерница. МВР беше известен дека лицето е идентификувано и е утврдено дека за него има барање за екстрадиција.
Министерството за правда даде гаранции гаранции дека доколку Африм Исмаиловиќ, биде екстрадиран во земјава, ќе има повторено судење за осудениот во „Монструм “ за петкратното убиство кај Смилковско езеро. Законот во Македонија овозможува секој што е осуден во отсуство, да има право да бара повторено судење.
Инаку, денеска во официјална посета на Приштина е министерот за надворешни работи, Бујар Османи кој изјави дека односите меѓу Косово и Македонија се пример за добри меѓусоседски односи во регионот и пошироко.
