ОТВОРЕН СКОПСКИОТ АЕРОДРОМ: Одглавен е авионот ербас 321 кој со 200 патници пред полетување во 22 часот заглави во наноси од снег

Скопскиот аеродром од 22:45 часот беше затворен за сообраќај, откако воздухоплов на компанијата „Германија“  тип Ербас 321 со околу 200 патници, пред полетување за Цирих заглавил во нанос од снег.

Како што информираше претседателот на Управниот одбор и директор во МНА-В Николче Тасески за МИА, во моментов е завршена операцијата за одглавување на воздухопловот со помош на возила за push back од ТАВ.

-Во воздухопловот нема повредени патници и физички оштетувања на истиот. Компанијата го откажала летот и се очекува да биде реализиран во текот на денешниот ден, истакна Тасески.