Претседателот на Социјалдемократскиот сојуз на Македонија, Зоран Заев денеска во општинскиот штаб на партијата во Струмица го оствари правото на глас на вонредните внатрепартиски избори.

СДСМ денеска го бира заменикот на Заев. За претседател на партијата се кандидираа тројца кандидати и тоа Димитар Ковачевски, кој е актуелен заменик-министер за финансии и член на Извршниот одбор на СДСМ, Фросина Ременски, поранешна пратеничка и екс-потпретседателка на СДСМ и Јован Деспотовски, актуелен директор на Дирекцијата на ТИРЗ.

Мадиќ: Сите гласачки места отворени навремено, излезноста досега е 12 отсто

Гласањето на денешните вонредни внатрепартиски избори за претседател на СДСМ се одвива непречено и без застој. Сите 194 гласачки места во 80 општини се отворени навремено, во 8 часот изутринава, а избирачките места ќе бидат отворени до 19 часот, информираше на прес-конференција претседателката на партиската Централна Изборна Комисија, Викторија Мадиќ.

Таа додаде дека за три часа од отворањето на сите избирачки места излезноста е 12 отсто.

-СДСМ постави нови највиски стандарди на македонската политичка сцена. Денеска се одржуваат вонредните внатртепартиски избори за претседател на СДСМ. Гласањето на сите гласачки места се одвива непречено, без застој, во демократска атмосфера и со почитување на мерките за заштита од Ковид-19, истакна Мадиќ.

Како што посочи, членовите кои не успеале да се регистрираат за време на превдиениот рок, денеска се регистриаат на гласачките места, по што можат да го остварат своето право на глас. Мадиќ појасни дека сите членови на СДСМ со електронска членска картичка имаат право на глас.

-Гласачките места ќе бидат отворени до 19 часот, до кога и трае гласањето. По затворањето на гласачките места и по обработка на пристигнатите податоци вечерва ќе се обратиме повторно до јавноста со сумарни информации, по што ќе ги соопштиме и резултатите од вонредните внатрепартиски избори, рече Мадиќ.

Ременски гласаше на вонредните внатрепартиски избори на СДСМ во Ѓорче Петров

Кандидатката за претседателка на СДСМ Фросина Ременски денеска гласаше на вонредните внатрепартиски избори на СДСМ во општина Ѓорче Петров

-СДСМ поставува нови, највисоки стандарди на македонската политичка сцена. Денеска се одржуваат вонредните внатрепартиски избори за претседател на СДСМ, се наведува во соопшетнието на СДСМ.

Деспотовски гласаше на вонредните внатрепартиски избори на СДСМ во Карпош

Кандидатот за претседател на СДСМ Јован Деспотовски денеска гласаше на вонредните внатрепартиски избори на СДСМ во општина Карпош.

-СДСМ поставува нови, највисоки стандарди на македонската политичка сцена. Денеска се одржуваат вонредните внатрепартиски избори за претседател на СДСМ, соопштија од СДСМ.