Хуманитарниот брод „Оушн Викинг“ (Ocean Viking), на кој има 104 мигранти спасени во водите на Либија пред една недела, сè уште се обидува да најде безбедно засолниште за нив.
Бродот на француските хуманитарни организации „СОС Медитеран“ и „Лекари без граници“ бараше дозвола од Италија и Малта да се вкотви со мигрантите во некое од нивните пристаништа, но досега нема одговор.
Либија претходно му понуди на бродот да влезе во едно безбедно пристаниште, но СОС Медитеран одби, со образложение дека „ниту едно пристаниште во Либија не може да се смета за безбедно според меѓународните закони“.
