Микробиологот Никола Пановски во емисија на Телевизија 24 обвини за воено профитерство на приватните болници, пренесуваат повеќе портали од гостувањето на докторот.
Според него, државата не смеела да дозволи да профитираат на грбот на граѓаните, туки сите заеднички да работат под Фондот за здравство.
Епидемија не може да се води со средства на граѓаните, вели Пановски.
-Веројатно има некој интерес за тоа да се дозволи. Не знам зошто би се дозволило инаку медицинските лица да работат со опасност, да викате дека тоа е нивна работа. Нивна работа е за лична болест на некој човек кога се лекува, да избере кај се лекува. Ова е епидемија, пандемија, ова е општа работа, значи не може да се дозволи на некој да работи со тие цени во време на пандемија – кажа Пановски.
