Министерството за одбрана на САД негираше дека какви било одлуки на Вашингтон за проширување на воената помош за Израел ќе имаат негативен ефект врз одбранбената поддршка за Украина.
-Ние му обезбедуваме на Израел сe што му е потребно за да се бори против терористичката организација Хамас. Обезбедуваме високопрецизна муниција и опрема за противвоздушна одбрана, она што им е потребно на израелските одбранбени сили, рече заменик-портпаролката на Пентагон, Сабрина Синг на прес-конференција.
Таа наведе дека САД продолжуваат да и даваат поддршка на Украина од резервите кои остануваат врз основа на овластување на претседателот, додека, како што додаде, помошта за Израел доаѓа од друг фонд, „Надворешно воено финансирање“ (Foreign Military Financing).
фото: МИА архива
