Министерот за здравство на Кенија, Аден Дуале вчера нареди стопирање на изградбата на карантински центар за Американците заразени со ебола.
Администрацијата на САД претходно објави план заразените Американци со ебола да се испраќаат во специјален објект во Кенија наместо да се враќаат во татковината. САД планираат да издвојат 13,5 милиони долари за подготовка на Кенија за соочување со еболата.
Врховниот суд на Кенија во мај нареди стопирање на изградбата на центарот сè додека не се донесе одлука за американскиот план. Интервенцијата на судот ја побараа Адвокатската комора на Кенија и Институтот Катиба – како уставен надзорник, тврдејќи дека здравствениот систем на Кенија не е во можност да се справи со потенцијална епидемија на ебола.
Изградбата продолжи и покрај наредбата, а локалното население одржа серија протести, во кои загинаа три лица.
Министерот за здравство на Дуале, кој сепак се залагаше за изградба, беше прогласен за виновен за непочитување на судот, но не беше казнет откако судот го прифати неговото извинување. Дуале ја бранеше изградбата на специјалниот карантински центар и тврдеше дека е неоснована загриженоста дека центарот е опасен за околното население.
