Балкан енерџи груп бара цената на парното да се зголеми за 300 проценти од први идниот месец, дознава порталот Фактор.
Во барањето кое го доставиле до Регулаторната комисија за енергетика тие наведуваат дека цената на гасот им е драстично зголемена, односно за 300 отсто, во однос на јули минатата година кога РКЕ ја донесе последната одлука за цената на топлинската енергија.
Колкаво зголемување ќе одобри РКЕ не е познато, но укажуваат дека Македонија нема домашно производство на гас и тој се набавува единствено од увоз, а цената на светските берзи е драматична.
БЕГ има резервирано количини на гас само до крајот на годинава и нешто малку за почетокот на наредната година која почнува за неколку дена, а потоа ќе мора да набави нови количини кои ќе бидат по драстично повисоки цени.
Извор: Фактор
