Актерката и пејачка Ненси Синатра, која е првата жена на легендарниот пејач Френк Синатра, почина синоќа на 101-годишна возраст. Смртта ја потврди нејзината ќерка, која исто така се вика Ненси Синатра, преку социјалната мрежа Twitter.
„Мојата мајка почина мирно синоќа“, напиша помладата Ненси Синатра на нејзиниот Twitter профил.
Смртта на Ненси Синатра доаѓа две децении откако по смртта на нејзиниот маж Френк Синатра, кој почина од срцев напад во 1998 година на 82-годишна возраст. Таа беше една од највлијателните познати личности во САД во врвот на нејзината слава, и покрај хитовите како „Bang Bang“ и „These Boots Are Made for Walkin’“, таа се појави и во неколку холивудски филмови од кои најпознат е „The Man With the Golden Arm“.
„Мојата мајка беше благослов и светлина во мојот живот. Со Божја брзина напред, мамо“, напиша нејзината ќерка на Twitter.
Ненси Барбато (нејзиното моминско презиме) и Френк Синатра беа заедно уште како тинејџери. Тие се венчаа во 1939 година во црква во Њу Џерси а како подарок Френк ѝ подари копија од песната „Our Love“, која тој ја напиша за неа. Тие заедно имаа три деца и беа најпознатиот пар во САД во 40-те години од минатиот век, пред нивниот брак да биде раскинат во 1951 година.
Ненси Синатра успеа да ги надживее нејзиниот маж и син, а никогаш повторно не стапи во брак со друг маж до нејзината смрт. Животот на Ненси беше посветен кон семејството и добротворните цели, со нејзиното членство во голем број добротворни организации.
