Густ црн чад попладнево се издига во центарот на Скопје, над кругот на фабриката „Треска“.
Нема сознанија што точно гори и од што е предизвикан пожарот. Засега нема информации ниту од Противпожарната бригада на Град Скопје.
– Густиот црн чад што попладнево се издига во центарот на Скопје, е од пожар во кругот на поранешната фабрика „Треска“, потврдија за МИА од Противпожарната единица на Град Скопје.
На местото на пожарот се упатени екипи и возила од сите противпожарни станици во Скопје. Слични пожари во изминатиов период имаше и на неколку други локации во градот каде што е планирана изградба на згради.
Нема повредени во пожарот, се евакуираат жителите од околните објекти
Досега нема пријава за повредени лица во пожарот што избувна попладнево во кругот на фабриката „Треска“, велат од МВР за МИА.
Полициски екипи се на терен, сообраќајот се пренасочува, а се врши и евакуација на жителите од околните станбени објекти.
Од ЦУК информираа дека гори магацин во кругот на поранешната фабрика „Треска“. Огнот зафатил и пластични материјали, дрва, грмушки и отпад, што го предизвикува густиот црн чад во центарот на Скопје.
Пожарот бил пријавен на бројот за итни повици 112 во ЦУК и веднаш е интервенирано.
На терен се екипи со шест противпожарни возила. Побарани се и доплнители возила за гасење на пожарот.
